Kryetari i Lidhjes Demokratike të Kosovës, Lumir Abdixhiku, ka shprehur mbështetjen e tij për futbollistin e ri kosovar, Edon Zhegrova, përmes një postimi të gjatë në rrjetet sociale.

Abdixhiku e ka cilësuar Zhegrovën si një djalë të jashtëzakonshëm, të sjellshëm dhe të përkushtuar, që ka arritur të jetë një nga tre futbollistët më të mirë në Francë dhe të kualifikojë Lillen në Ligën e Kampionëve.

Ai e vlerëson Edonin si një aset kombëtar dhe një shpresë për të ardhmen e futbollit kosovar. “Kokën lart djalë! Je shpresë që në fund Kosova ka me ja dalë!”, përfundon Abdixhiku. /Kosova.info/