Nënkryetarja e Partisë Demokratike të Kosovës, Vlora Çitaku, ka reaguar në lidhje me zhvillimet politike të fundit në vend si dhe për qeverinë e drejtuar nga Albin Kurti.
Përmes një postimi në “Facebook”, Çitaku është shprehur se qeveritë ndërrohen, por Kosova është e përjetshme.

Përpos kësaj, ajo deklaroi se opozita e mëhershme e ka mohuar Kosovën, ndërsa opozita e tanishme nuk guxon ta bëjë te njëjtën.

Çitaku tha se Kosova e ëndrrave tona, do të jetësohet.

Postimi i plotë:

Kosova nuk është e Albin Kurtit. Kosova është mëmëdheu ynë. Shtëpia jonë e përbashkët.

Qeveritë shkojnë e vijnë, e Kosova është e përjetshme.

Opozita e mëherëshme, padurimin ndaj udhëheqësve të kohës e ka shndërru në mohim ndaj Kosovës dhe gjithçkaje.

Nuk guxojmë të bijem në atë grackë.

Kosova e ëndërrave tona ka me u jetësu.

Bashkë. #PDK.