Në rast se Serbia duhet të zgjedhë mes Lindjes dhe Perëndimit, 53 për qind e të anketuarve besojnë se vendi i tyre duhet të kthehet në Lindje.

Një sondazh i madh kombëtar sociologjik në Serbi tregoi se të rinjtë serbë pëlqejnë më së paku bullgarët, kroatët dhe shqiptarët, raporton agjencia BGNES.

Hulumtimi është porositur nga organizata rinore serbe Pokriv dhe rezultatet e plota të hulumtimit do të shpallen zyrtarisht më 12 gusht në Beograd në Forumin Rinor Ndërkombëtar, transmeton Novinite .

Në pyetjen “Cili është qëndrimi juaj ndaj pakicave kombëtare?” në një listë prej katër nivelesh, ku një është vlerësimi më i lartë dhe katër është më i ulëti, bullgarët kanë marrë vlerësimin 2.09. Kroatët morën vlerësimin 2.04 dhe pas bullgarëve dhe kroatëve janë shqiptarët me vlerësim 2.52.

Të rinjtë në Serbi më së shumti i pëlqejnë maqedonasit dhe malazezët, ndaj u dhanë vlerësime 1.75 dhe 1.68. Në mes janë hungarezët, rumunët dhe minoriteti boshnjak.

Kundër sanksioneve të Rusisë

Sipas anketës, 55 për qind e të rinjve nga Serbia janë kundër vendosjes së sanksioneve kundër Rusisë. 43 për qind e tyre besojnë se Serbia duhet të balancojë mes vendeve lindore dhe perëndimore. Në rast se Serbia duhet të zgjedhë mes Lindjes dhe Perëndimit, 53 për qind e të anketuarve besojnë se vendi i tyre duhet të kthehet në Lindje.

55 për qind e të rinjve serbë besojnë se shteti nuk duhet të dënojë Rusinë për agresionin e saj kundër Ukrainës. Vetëm 18 për qind e tyre besojnë se Serbia duhet të vendosë sanksione ndaj Rusisë./KI