Ngjarje e rëndë ka ndodhur në fshatin Bardhaniq të Gjakovës – një 72-vjeçar ka pësuar lëndime trupore pasi është sulmuar me sëpatë.

Rastin e ka bërë  të ditur zëdhënësi i Policisë për rajonin e Gjakovës, Sheremet Elezaj.

Ai ka thënë se viktima është dërguar në Qendrën Klinike Universitare të Kosovës (QKUK), për trajtim të mëtejmë mjekësor.

“Është informuar se në fshatin Bardhaniq rreth orës 19:25 i dyshuari i gjinisë mashkullore e kishte goditur viktimën po ashtu i gjinisë mashkullore (i lindur në vitin 1950), me sëpatë, me ç’rast i kishte shkaktuar lëndime të rënda”, deklaroi Elezaj.

Tutje theksoi se policia së bashku me njësitet e tjera relevante kanë dalë në vendngjarje dhe po merren me rastin.

Po ashtu lidhur me rastin është njoftuar edhe prokurori i krimeve të rënda, me urdhër të të cilit rasti iniciohet si vrasje në tentativë.