Gjyqtari i njohur kosovar në futboll, Mervan Bejtullahu, ka kërcënuar gazetarin Arlind Sadiku para fillimit të ndeshjes Gjilani-Drita.

Ishte vet Sadiku, ai i cili ka informuar publikun se Bejtullahu e kishte kërcënuar në ambientet e brendshme të stadiumit.

“Veç jemi në Gjilan, se t’ishim kon në Prishtinë, t’kisha kallxu”, i ishte drejtuar Bejtullahu gazetarit Sadiku.

Ditë më parë Arlind Sadiku kishte publikuar një video në rrjetin e tij social Facebook, duke aluduar për disa gabime në ndeshjen Prishtina-Dukagjini nga ana e Bejtullahut.

Mervan Bejtullahu i cili ndodhej në Gjilan në cilësinë e gjyqtarit kryesor në VAR ishte shpallur në vitin 2020 si gjyqtari më i mirë kosovar.

Po ashtu, Sadiku ka treguar se për rastin është informuar delegati i ndeshjes dhe Policia e Kosovës.