Një veturë është djegur mëngjesin e sotëm në Prishtinë.

Rasti ka ndodhur në mes të rrugës, tek semaforat afër shtatores së Bill Clinton në Prishtinë.

Zëdhënësja e Policisë për rajonin e Prishtinës, Flora Ahmeti ka thënë se nga djegia e veturës nuk ka të lënduar.

“Rreth orës 07:30, kemi pranuar informatën për një incident zjarri në rrugën “Bill Clinton” në Prishtinë ku është djegur një veturë. Zjarri është lokalizuar. Nuk ka persona të lënduar”, ka thënë Ahmeti.