Njësitet policore kanë realizuar një kontroll në fshatin Morinë të Gjakovës, nën dyshimin e posedimit të armëve.

Njësitet policore kufitare gjatë kontrollit në shtëpinë e të dyshuarit: L.J., (viti i lindjes 2002, mashkull kosovar) kanë gjetur dhe sekuestruar:

• Një pushkë automatike cal-7.62mm,

• Një AK-47 cal-7.62mm,

• Tre karikatorë,

• 127 copë fishekë cal-7.62mm

• Uniformë ushtarake

Lidhur me gjetjen e provave është njoftuar prokurori kujdestar.

“Ndaj të dyshuarit është iniciuar rasti ‘Import eksport, furnizim, transportim, prodhim, këmbim, ndërmjetësim ose shitje e paautorizuar e armeve’. I dyshuari është intervistuar në prezencë të avokatit dhe pas intervistimit me aktvendim nga prokurori, i dyshuari është dërguar në ndalim për 48 orë,”, thuhet në njoftimin për media.