Ish ylli i Chelsea dhe Middlesbrough, holandezi Jimmy Floyd Hasselbaink u befasua nga forma e gishtit të vogël të ish-portierit të njohur anglez Rob Green, kur ky i fundit e zbuloi drejtpërdrejt në transmetim televiziv.

Ish-portieri i West Hamit dhe Anglisë i tregoi Hasselbaink dhe Bobby Zamoras, po ashtu edhe kamerës gishtin e tij të lakuar shpërfytyruar kur filluan të flasin për goditjeve e fuqishme me top, diçka për të cilën Hasselbaink ishte i njohur.

“Kjo vjen nga një nga goditjet e lira të Jimmyt rreth 15 vjet më parë!”, Green qeshi kur tregoi.

Sulmuesi u befasua kur e pa, ndërsa portieri tregonte në Ligën Premier, lojtarët gjuajnë më fuqishëm se në çdo kampionat tjetër.

Gishti i thyer i Green shpesh herë bëhet edhe moment debati nëpër studio televizive për të treguar atë se sa shumë vuajnë portierët në këtë kampionat.

Green ka qenë portier profesionist për dy dekada, duke ruajtur portën e disa prej klubeve më të mëdha në Angli.

Norwich City, West Ham United, Queens Park Rangers, Leeds United, Huddersfield Town dhe Chelsea ishin skuadrat ku bëri karrierë.