“Nuk ka asgjë që mund t’ju përgatis për këtë tragjedi”.

Kështu thanë dy personat që arritën të parët në vendin e ngjarjes.

Ata janë komandanti i Ndërmarrjes së Shërbimeve Publike Sllavonski Brod, Ivan Vuleta dhe Zëvendës Komandanti, Mario Tonçek, që komentuan aksidentin e tmerrshëm në autostradën A3 afër Sllavonski Brod, në të cilin mbetën të vdekur dhjetë kosovarë pas rrokullisjes së autobusit të linjës Frankfurt-Prishtinë. Ata ishin të parët që arritën në vendin e aksidentit të tmerrshëm.

Tonçek për televizionin kroat RTL.hr tregoi fillimisht se çka kishte parë në vendin e ngjarjes kur kishin arritur, përcjell Klankosova.tv

“Raporti i parë ishte se një autobus që kishte dal jashtë autostradës po digjej, por kur arritëm në vendin e ngjarjes pamë që zjarri ishte shuar, por gjetëm një skenë të tmerrshme, shumë të plagosur dhe shumë të vdekur. Ekipet tona që erdhën në fushë menjëherë kërkuan ndihmë nga JVP. Duke pasur parasysh afërsinë e njësisë, ajo erdhi shpejt”.

Zëvendëskomandanti i zjarrfikësve e shpjegoi se si e filluan aksionin për shpëtimin e pasagjerëve të aksidentuar.

“Ata menjëherë filluan të tërheqin pasagjerët të cilët nuk dolën me iniciativë të tyre, me britmat dhe ankesat e tyre, dhe pastaj ata filluan të shpëtonin njerëzit e bllokuar që ishin në autobus dhe nën autobus. Skenat definitivisht nuk janë për të gjithë, ato janë trauma të rënda, si për udhëtarin ashtu edhe për ekipet e shpëtimit. Asgjë nuk mund t’ju përgatisë për skena të tilla. Nuk mbaj mend një aksident kaq të madh me kaq shumë fatalitete dhe lëndime”.

Komandanti i Ndërmarrjes së Shërbimeve Publike Slavonski Brod, Ivan Vuleta, tha se, për fat të keq, pas aksidenteve të tilla, nuk ka ndihmë psikologjike për punonjësit e brigadës së zjarrfikësve.

“Megjithëse do të ishte mirë nëse do të kishte një shërbim që do të reagonte menjëherë pas ngjarjeve të tilla, të cilat do të vinin, do të bënin gjithçka të nevojshme me të gjitha shërbimet e urgjencës, është një situatë stresuese dhe ndihma e tillë do të ishte e dobishme”.