Përzgjedhësi i Kombëtares së Kosovës, Franco Foda, së bashku me kapitenin Mërgim Vojvoda, folën në një konferencë për media para ndeshjes miqësore të nesërme ndaj Andorrës.

Foda tha se Kombëtarja e Kosovës do të fokusohet maksimalisht për ta fituar këtë ndeshje.

“Duhet të mobilizohemi dhe të bëjmë një paraqitje të mirë nesër ndaj kundërshtarit. Qëllimi ynë kryesor është ta fitojmë këtë ndeshje. Do të luajmë me skuadrën më të mirë. Andorra është një skuadër e mirë taktikisht. Nuk do të jetë një ndeshje e lehtë. Kërkoj nga lojtarët që të luajnë me intensitet të lartë që nga minuta e parë.”

Kombëtarja e Kosovës luan nesër ndaj Andorrës, me fillim nga ora 19:00, në stadiumin “Fadil Vokrri”.