Kompania kosovare ElektroStublla L.L.C. po merr pjesë si ekspozuese në panairin ndërkombëtar Hannover Messe, që po mbahet në Hannover, një nga ngjarjet më të mëdha globale në fushën e energjisë, industrisë, robotikës dhe automatizimit, shkruan Kosova.info.

Në këtë panair, ElektroStublla po prezanton prodhimet dhe zgjidhjet e saj teknologjike, duke përfaqësuar kapacitetet industriale dhe inxhinierike të Kosovës në një platformë ku marrin pjesë kompani dhe profesionistë nga mbarë bota.

Pjesëmarrja e kompanisë realizohet me mbështetjen e Agjencia për Investime dhe Përkrahjen e Ndërmarrjeve në Kosovë dhe Ministria e Industrisë, Ndërmarrësisë dhe Tregtisë, të cilat përmes programeve mbështetëse kanë mbuluar një pjesë të shpenzimeve për pjesëmarrjen e bizneseve kosovare në panaire ndërkombëtare, me synim promovimin e industrisë vendore në tregjet e huaja.

Gjatë panairit, ElektroStublla prezanton produkte dhe zgjidhje për sektorin elektroenergjetik dhe industrial, duke përfshirë komponentë dhe sisteme që përdoren në infrastrukturën elektrike dhe projekte energjetike.

Vizitorët dhe partnerët e interesuar mund ta vizitojnë kompaninë në Hall 11, Stand E56.

Pjesëmarrja në këtë panair konsiderohet mundësi për zgjerimin e prezencës në tregjet ndërkombëtare, krijimin e partneriteteve të reja dhe rritjen e bashkëpunimit me kompani dhe investitorë nga Evropa dhe më gjerë.

ElektroStublla është kompani me përvojë në sektorin elektroenergjetik dhe industrial, e fokusuar në zhvillimin e zgjidhjeve moderne dhe konkurruese për tregun vendor dhe ndërkombëtar.