Kryeministri i Kosovës, Albin Kurti, ka përkujtuar dy rezultate të rëndësishme që vendi ka arritur së fundmi në arenën ndërkombëtare.

“Sipas Institutit V-Dem të Suedisë, Kosova pozicionohet ndër demokracitë zgjedhore, duke qenë vendi i vetëm në rajonin e WB6, bashkë me Mali i Zi. Ndërkohë, Raporti Botëror i Lumturisë i Gallup rendit Kosovën në vendin e 16-të në botë, duke shënuar një përparim të dukshëm nga vendi i 29-të vitin e kaluar”, ka shkruar Kurti në rrjetin social “X”.

Kurti e ka cilësuar këtë si një njohje të vitalitetit të demokracisë në Kosovë dhe të përparimit ekonomik e social të vendit, duke theksuar optimizmin për zhvillimin e mëtejshëm. /Kosova.info/