Instituti Kombëtar i Shëndetësisë Publike të Kosovës (IKSHPK) ka njoftuar se po vazhdon monitorimin e rregullt të cilësisë së ujit për pije, ndërsa ka publikuar listën e zonave ku uji nuk rekomandohet për konsum.

Sipas njoftimit zyrtar të datës 27 janar 2026, në disa rajone të vendit janë evidentuar probleme me cilësinë e ujit, ndërsa në disa zona furnizimi është ndërprerë tërësisht, si masë parandaluese për mbrojtjen e shëndetit publik.

Zonat ku uji nuk rekomandohet për pije janë:

Rajoni i Prishtinës

– Fabrika për trajtimin e ujit Badoc

– Vragoli

Rajoni i Ferizajt

– Han i Elezit, nga burimi i Dimcës (furnizimi me ujë është ndërprerë)

Rajoni i Gjilanit

– Viti (furnizimi me ujë është ndërprerë)

– Kamenicë – Stacioni i pompimit nr. 2, Bahqja dhe fshati Berivojcë

Rajoni i Pejës

– Klinë – rrjeti nga puset dhe rrjeti nga burimi Jarinë

Rajoni i Gjakovës

– Burimet: Opterushë dhe Zaqishtë

Rajoni i Prizrenit

– Malishevë

IKSHPK u bën thirrje qytetarëve që në këto zona të mos e përdorin ujin për pije, përgatitje ushqimi dhe higjienë orale, derisa të dalë një njoftim i ri që konfirmon përmirësimin e cilësisë së tij.

Instituti thekson se ekipet janë në terren dhe se situata po monitorohet vazhdimisht, ndërsa qytetarët do të informohen me kohë për çdo ndryshim. /Kosova.info/