Regjisori dhe dramaturgu shqiptar i lindur në Greqi, Mario Banushi, ka arritur një sukses ndërkombëtar duke u nderuar me Luanin e Argjendtë në Bienalen e Teatrit të Venecias, dhe kryeministri në detyrë i Kosovës, Albin Kurti, e ka uruar për këtë arritje të jashtëzakonshme, duke vlerësuar talentin dhe dimensionin poetik të krijimeve të tij.

Regjisori dhe dramaturgu shqiptar i lindur në Greqi, Mario Banushi, ka arritur një tjetër sukses ndërkombëtar duke u nderuar me Luanin e Argjendtë në Bienalen e Teatrit të Venecias, një nga çmimet më prestigjioze në botën e skenës, që kanë fituar emra të mëdhenj si Fellini, Kurosawa dhe Guadagnino. Në moshën vetëm 27 vjeç, Banushi është laureati më i ri në historinë e këtij çmimi.

Kryeministri në detyrë i Kosovës, Albin Kurti, ka vlerësuar lart talentin dhe dimensionin poetik të krijimeve të tij.

Në postimin e tij, Kurti përshkruan se Banushi ka triumfuar në skena dhe teatro të njohura ndërkombëtarisht dhe është përshkruar si një zbulim i vitit në festivalin prestigjioz të Avinjonit.

“Kritika e specializuar e quan atë një Tarkovski të teatrit bashkëkohor, duke theksuar se shfaqjet e tij (Goodbye, Lindita, Taverna Mirësia, Mami) shprehin me forcë sensualitetin e fëmijërisë, logjikën e mitit dhe të ëndrrës, dhe intensitetin e ndjenjave si malli, zija, humbja dhe kujtesa.

Banushi është rritur mes gjyshes në Shqipëri dhe së ëmës e tezeve në Greqi, duke përjetuar realitetin e mërgimit dhe jetën diasporike që sot njohin qindra mijëra shqiptarë. Kurti e përshkruan Banushin si një dëshmitar autentik të jetës shpirtërore të shqiptarëve të shekullit XXI, dhe shpreh keqardhjen që puna e tij ende mungon në skenat shqiptare”, ka shkruar Kurti në Facebook.

Kurti përfundon me shpresën që kushtet për shfaqjen e punëve të tij në Kosovë dhe Shqipëri të krijohen sa më shpejt, në mënyrë që publiku shqiptar të njohë nga afër talentin dhe vizionin e tij unik. /Kosova.info/