Shefi i NATO-s, Mark Rutte, tha më 21 janar, pak orë para fjalimit të udhëheqësit amerikan në Davos, tha se aleatët e aleancës ushtarake perëndimore nuk duhet të lejojnë që tensionet për Grenlandën t’i shpërqendrojnë ata nga nevoja për të mbrojtur Ukrainën.

“Përqendrimi në Ukrainë duhet të jetë prioriteti ynë kryesor, është thelbësor për sigurinë evropiane dhe të SHBA-së”, tha ai gjatë një paneli në Davos.

Rutte po ashtu foli për një deklaratë të bërë nga Trumpi se aleatët evropianë nuk do të ndihmonin në mbrojtjen e SHBA-së nëse një gjë e tillë do t’iu kërkohej.

“Ai mbrëmë tha se ka dyshime nëse evropianët do ta ndihmonin nëse Neni 5 do të aktivizohej. I them presidentit Trump se po, ata do ta ndihmojnë”, tha Rutte.

“Nuk kam asnjë dyshim që SHBA-ja do të na dalë në ndihmë, dhe ne do t’i dalim në ndihmë asaj”, shtoi ai.

Shefi i NATO-s tha po ashtu se po punon “në prapaskenë” që mospajtimet për Grenlandën të zgjidhen përmes diplomacisë.

Ai është i vetmi udhëheqës që deri tani ka konfirmuar se do të takohet me Trumpit gjatë qëndrimit në Davos.