Pas reshjeve të shiut që sollën freski dhe gjallëri në natyrë, fundjava do të karakterizohet me mot më të qëndrueshëm dhe temperatura të moderuara.

Reshjet e ditëve të fundit pritet të ndikojnë pozitivisht në bujqësi, duke rritur lagështinë e tokës dhe duke ndihmuar kulturat bujqësore. Po ashtu, ajri i pastër dhe kushtet e favorshme klimatike do të krijojnë mundësi si për punët në arë, ashtu edhe për pushim dhe aktivitete në natyrë.

E shtunë:

Të shtunën parashikohet mot me diell dhe vranësira të shpërndara. Temperaturat minimale do të lëvizin nga 10 deri në 17°C, ndërsa ato maksimale pritet të arrijnë 22 deri në 25°C. Do të fryjë erë kryesisht nga veriperëndimi, me shpejtësi 1–3 m/s.

E diel:

Edhe e diela do të vijë me mot kryesisht të kthjellët dhe pjesërisht të vranët. Temperaturat minimale do të sillen nga 11 deri në 16°C, ndërsa ato maksimale të ditës nga 22 deri në 24°C. Era do të fryjë nga drejtimi veriperëndimor me shpejtësi 1–4 m/s.

Fundjava kështu pritet të jetë e qetë dhe e përshtatshme për të gjithë ata që planifikojnë aktivitete bujqësore, udhëtime ose thjesht pushim në natyrë. /Kosova.info/