Ministria e Jashtme Gjermane paralajmëroi sot se rreziku i përshkallëzimit të mëtejshëm në Lindjen e Mesme është “real” dhe u bëri thirrje të gjitha palëve të ulin tensionet.

Në një deklaratë të lëshuar pas sulmeve të reja midis Izraelit dhe Iranit, Gjermania theksoi se programi bërthamor i Iranit nuk përbën kërcënim vetëm për Izraelin.

“Programi bërthamor i Iranit rrezikon gjithashtu Arabinë Saudite dhe stabilitetin e të gjithë rajonit.”

Në të njëjtën deklaratë, ministria gjermane tha gjithashtu se situata humanitare në Rripin e Gazës është “katastrofike”.

Marrëdhëniet midis Izraelit dhe disa vendeve evropiane janë bërë gjithnjë e më të tensionuara, ndërsa situata në Gaza përkeqësohet më tej, dhe diplomatët evropianë po rrisin presionin ndaj Tel Avivit dhe Teheranit për t’u përmbajtur nga sulme të mëtejshme.