Një person është therur me thikë sot paradite në Gjakovë. Lajmin për RTKlive e ka konfirmuar zëdhënësi i Policisë së Kosovës për rajonin e Gjakovës, Sheremet Elezaj.

Ai ka njoftuar se ngjarja ka ndodhur në rrugën “Yll Morina”,  teksa për rastin është arrestuar një i dyshuar.

“Rreth orës 10:25 viktima mashkull i moshës madhore është dërguar për trajtim mjekësor pasi ishte sulmuar nga i dyshuari po ashtu i moshës madhore (dyshohet me mjet të mprehtë) në rrugën “Yll Morina” në Gjakovë”. Policia menjëherë ka ndërmarrë veprimet e nevojshme hetimore, me ç’rast edhe është arrestuar një i dyshuar”, ka thënë Elezaj.

Me vendim të prokurorit të shtetit, i njëjti është ndalur në mbajtje si dhe është iniciuar rasti “Vrasje në tentativë”.