Emisari presidencial për misione të veçanta, Richard Grenell i ka reaguar Albin Kurtit duke e akuzuar se marrëdhëniet mes Kosovës dhe ShBA-së i ka çuar në pikën më të ulët.

Grenelli në “X” ka postuar një shkrim të Kurtit kur e kishte cilësuar Joe Bidenin si një nga miqtë më të mëdhenj të Kosovës.

Zyrtari i lartë i administratës së Trumpit ka thënë se Kurti “zhvilloi beteja politike dhe veprime të njëanshme”, duke i sjellë marrëdhëniet Kosovë-ShBA në pikën e ulët.

“Ai u dënua nga liderët evropianë, të NATO-s dhe nga ekipi i Biden”.

“Kurti mori anën (në politikën amerikane) e Joe Biden dhe Kamala Harris dhe prapëseprapë u kritikua nga ta”.

“Marrëdhëniet e ShBA-së me Kosovën kanë pësuar gjatë presidencës së Biden. Departamenti i Shtetit dhe Shtëpia e Bardhë kanë kritikuar veprimet e Kurtit dhe paaftësinë e tij për të rritur ekonominë e Kosovës”, ka shkruar Grenell. /Kosova.info/

The U.S. relationship with Kosovo suffered during Joe Biden’s presidency.

Biden’s State Department and White House criticized Kurti’s actions and inability to grow Kosovo’s economy.

Kurti picked political fights and took unilateral action. He brought Kosovo-U.S. relations to… https://t.co/63RXn8r1hH

— Richard Grenell (@RichardGrenell) January 23, 2025