Kryeministri izraelit, Benjamin Netanyahu thuhet se u tha krerëve të këshillit lokal nga komunitetet pranë Gazës sot se ai parashikon që lufta kundër Hamasit të zgjasë deri në vitin 2025.

Sipas një burimi brenda takimit, i cili u mbajt në selinë e komandës jugore të Forcave Mbrojtëse të Izraelit (IDF) në Beersheba dhe ku morën pjesë ministra të tjerë të kabinetit të luftës, ai u tha shefave të këshillit se sipas vlerësimit aktual, lufta do të vazhdojë edhe në vitin 2025.

“Shqipëria po plaket”, sociologu: Kemi më shumë vdekje sesa lindje

MPB me njoftim zyrtar: Letërnjoftimet do të vlejnë edhe pas 12 shkurtit

Nëse e shihni këtë person lajmëroni menjëherë Policinë

Tri shenjat që e zëvendësojnë jetën e natës me një mbrëmje në shtëpi

Capital T takohet me futbollistin legjendar Ronaldo

Ai e zbuloi vlerësimin gjatë një diskutimi në të cilin raportohet se ra dakord gjithashtu të rishikojë një kornizë aktuale të Ministrisë së Mbrojtjes që ofron ndihmë financiare për qytetarët izraelitë të cilët janë të përgatitur të kthehen në komunitetet e evakuuara 4-7 kilometra nga kufiri i Gazës, raporton thetimesofisrael.

Shefat e këshillit lokal i thanë Netanyahut se shumica e banorëve të tyre nuk dëshirojnë të kthehen në këtë pikë, për shkak të sulmeve të vazhdueshme me raketa nga Gaza dhe shqetësimeve të tjera të sigurisë, thuhet në raportin televiziv.

Ata kërkuan që procesi i kthimit të vonohet ose të zgjatet deri në verë dhe fillimin e vitit të ri shkollor dhe që shteti të vazhdojë t’i financojë ata duke qëndruar në strehim të përkohshëm deri atëherë, raporton thetimesofisrael.

Netanyahu tha se e pranoi kërkesën e tyre, premtoi se ndihma financiare do të zbatohej edhe atëherë dhe udhëzoi zyrtarët përkatës që të hartojnë kornizën e nevojshme, thuhet në raportin televiziv.

Ndryshe, ministri i kabinetit të luftës, Benny Gantz i ka dorëzuar një letër urgjente kryeministrit izraelit, ku i ka kërkuar që të ndalojë zvarritjen e një sërë vendimesh në lidhje me planifikimin për luftën me Hamasin.