Në Ditën Globale të Veprimit për Gazën, protestuesit në Zvicër bënë thirrje për një armëpushim të përhershëm në rajon, duke e akuzuar vendin si “bashkëpunëtor në gjenocid” pavarësisht neutralitetit të deklaruar.

Më shumë se 15 mijë demonstrues pro-palestinezë në Zvicër kanë dalë në rrugët e Bazelit të shtunën për të mbajtur protestën e tyre të parë kombëtare në mbështetje të gazanëve që kur disa kantone gjermanisht-folëse vendosën ndalimin e veprimeve të tilla, duke bërë thirrje për një armëpushim të menjëhershëm dhe të përhershëm në rajon, shkruan euronews.

Ndalimi i protestave në disa kantone gjermano-folëse u fut pas demonstratës kombëtare në solidaritet me palestinezët më 4 nëntor 2023, e para që nga sulmi i Hamasit më 7 tetor dhe lufta e Izraelit kundër grupit militant.