Elon Musk ka thënë se “X”, i njohur më parë si Twitter, do të paguajë faturat ligjore të kujtdo që trajtohet në mënyrë të padrejtë nga punëdhënësi i tyre për aktivitetin e tyre në platformën e tij të mediave sociale.

Ai u kërkoi përdoruesve të tregojnë nëse përjetojnë trajtim të padrejtë për postimin ose pëlqimin e diçkaje, shkruan BBC, transmeton Klankosova.tv.

E njohur më parë si Twitter, platforma e mediave sociale u riemërua muajin e kaluar.

“Fjala e lirë është themeli i një demokracie funksionale dhe Twitter është sheshi digjital i qytetit ku debatohen çështjet jetike për të ardhmen e njerëzimit”, ishte shprehur Musk, kur njoftoi se po e merrte  Twitterin në prill të vitit të kaluar.