Njohësi i çështjeve politikeve në vend, Azem Vllasi, ka thënë se Përfaqësuesi i Lartë i Politikave të Jashtme të BE-së, Josep Borrell, nuk ka pse të përzihet në mënyrën se si votojnë serbët në Kosovë për referendumin që po organizohet në Serbi.

“Ky referendum është një fushatë parazgjedhore e Vuçiqit, shumë qytetarë janë kundër sepse nuk e dinë se çka po pshtjell Vuçiqi”, tha Vllasi.

“Vendvotime të tilla nuk duhet të ketë as nuk ka nevojë të ketë në Kosovë”, shtoi ai.

Tutje Vllasi tha se kryeministri Kurti e ka definuar mirë pozicionin e Qeverisë së Kosovës.

“ Nuk ka vendvotime për referendum të një shteti tjetër në shtetin e Kosovës”, tha avokati në ‘Edicionin Special’ të Klan Kosovës.

“Borrelli nuk ka nevojë kurrfarë përzierje të ketë në Kosovë”.

“Borrelli s’ka çka përzihet se në cilën mënyrë duhet të votojnë”, u shpreh Vllasi.