Vazhdojnë të ketë raporte të përziera për Lorenzo Insignen, me Napolin që përpiqet të shesë tani për rreth 30 milionë euro, ndërsa thuhet që Atletico Madridi do të presë që ai të bëhet një lojtar i lirë verën e ardhshme.

Kapiteni i Napolit nuk është aspak afër të bie dakord për një kontratë të re dhe marrëveshja e tij aktuale skadon në fund të sezonit.

Ai priste një rritje page pasi fitoi Euro 2020, ndërsa raportohet se Napoli dëshiron që ai të pranojë një shkurtim të konsiderueshëm nga paga e tij ekzistuese.

Sipas gazetës spanjolle Diario AS, Atletico Madrid i ka bërë të ditur Insignes se janë të gatshëm të presin që ai të bëhet lojtar i lirë dhe ta marrin verën e ardhshme.

30-vjeçari është në treg për 25-30 milionë euro, me Interin, Evertonin, Zenitin dhe Tottenhamin të interesuar për shërbimet e tij.

Sipas Corriere dello Sport, Insigne u tha shokëve të skuadrës së Napolit se ai do të mendojë seriozisht për një largim gjatë kësaj vere.

Megjithatë, largimi varet shumë nga opsionet në dispozicion të tij, pasi Napoli do të preferonte të shiste yllin e tyre jashtë vendit, ndërsa ai mund të ishte më i prirur drejt qëndrimit në Itali.

Shumë raporte të tjera sugjerojnë se Insigne është më se i lumtur të qëndrojë në Stadio Diego Armando Maradona për këtë sezon dhe pastaj të shohë se çfarë zhvillimesh ka.