Këtë fundjavë (të dielën) në Prizren Superliga e meshkujve dhe në Ferizaj Superliga e femrave, do t’i zhvillojnë ndeshjet e javës së tretë (xhirot 5-6). Ndeshjet fillojnë në ora 11.

Në Superligën e meshkujve do të jetë javë e ndeshjeve derbi, ku takohen Lidhja e Prizrenit Prishtina dhe Priping  vs Paysera Dardania (xhiro pesë) dhe Paysera Dardania vs Lidhja e Prizrenit dhe Prishtina vs Priping (xhiro 6). Do të jetë një test i fortë për Lidhjen e Prizrenit për ta ruajtur epitetin e ekipit të pamposhtur, si dhe sfida ndërmjet tre ndjekësve të vendit të parë, që deri më tani kanë pësuar vetëm nga një disfatë. Interesante do të jenë edhe përballjet ndërmjet ekipeve nga pjesa e poshtme e tabelës që përpiqen të shmangin dy pozitat e fundit.

Situatë e ngjashme është edhe në Superligën e femrave, me një dallim se kryesuesi, Drita duket shumë më lart se ekipet tjera. Ndërkaq lufta ndërmjet ndjekësve të Dritës duket shumë atraktive, pasi katër ekipe kanë tubuar numër të njëjtë pikësh duke pasur vetëm nga një disfatë. Ndeshja më interesante mund të jetë ndërmjet dy ekipeve nga Ferizaj: Ahmet Hoxha me Ahmet Hoxha MK. Jo më pak interesante do të jenë edhe përballjet e skuadrave që renditen në pjesën e poshtme të renditjes. /Kosova.info/