Lista Serbe ka reaguar lidhur me paralajmërimet e ministrit për Kthim dhe Komunitete, Nenad Rashiq se është i gatshëm të përfshihet në hartimin e draf-statutit për Asociacionin e Komunave me Shumicë Serbe.

Në reagimin e kësaj partie thuhet se duan të rikujtojnë se Rashiq nuk u votua nga serbët e Kosovës dhe e se e mori postin si ministër nga Kurti.

“I rikujtojmë opinionit se serbët nuk i kanë dhënë asnjë votë Rashiqit, si dhe se nuk ka asnjë deputet në Kuvendin e Prishtinës, që do të thotë se ai nuk ka absolutisht legjitimitet të flasë për Asociacionin e Komunave me Shumicë serbe apo qëndrimin e serbëve të Kosovës”, thuhet në reagimin e Listës Serbe.