Mbrojtësi i njohur dhe kapiteni i Real Madridit, Nacho Fernandez, ka nënshkruar një kontratë dyvjeçare me Al Qadsiah, një klub i sapongjitur në Ligën Pro Saudite.

Lojtari i ri i Al Qadsiah, do të drejtohet nga trajneri Michel në aventurën e tij të re.

Nacho Fernandez, pas një qëndrimi të gjatë njëzet e tre vjeçar në “Santiago Bernabeu”, vendosi të largohet nga klubi spanjoll.

“Që kur erdhi në akademinë tonë të të rinjve si fëmijë, Nacho ka qenë gjithmonë një shembull përmirësimi për të gjithë dhe ai ka marrë dashurinë, njohjen dhe admirimin e të gjithë madrilenëve”, ka thënë presidenti i Real Madridit, Florentino Perez.

“Real Madridi është dhe do të jetë gjithmonë shtëpia e tij”.