Kryeministri i Kosovës, Albin Kurti, u ka bërë thirrje diasporës shqiptare që jetojnë në Evropë që në zgjedhjet e Parlamentit Evropian të votojnë për partitë social demokrate.

Në platformën “X” kryeministri Kurti i cili është edhe kryetar i Lëvizjes Vetëvendosje, ka thënë se këto parti e mbrojnë Evropën nga kërcënimi serioz nga e djathta ekstreme.

“Me afrimin e zgjedhjeve për Parlamentin Evropian, u bëj thirrje të gjithë anëtarëve të diasporës sonë që të ushtrojnë të drejtën e votës. Çdo votë e vetme llogaritet në mbështetjen e politikanëve dhe partive – të tilla si socialdemokratët – që me të vërtetë mbrojnë demokracinë dhe Evropën kundër kërcënimit serioz të së djathtës ekstreme”, ka shkruar Kurti në “X”. /Kosova.info/

As elections for 🇪🇺 Parliament approach, I urge all members of our diaspora to exercise your right to vote. Every single vote counts in supporting politicians & parties—such as the Social Democrats—that truly defend democracy & Europe against the serious threat of the far right.

— Albin Kurti (@albinkurti) June 6, 2024