Kosova mbanë stërvitjen e fundit para udhëtimit në Suedi
Përfaqësuesja e Kosovës ka mbajtur stërvitjen e radhës, e fundit në tokën kosovare para udhëtimit për në Suedi.
Të grumbulluarit nga trajneri Bernard Challandes, kanë stërvitur në kompleksin stërvitor të FFK-së në Hajvali në kushte atmosferike me shi.
Për dallim nga stërvitjet e ditëve të kaluara, kësaj radhe intensiteti ishte më i vogël dhe kryesisht përzgjedhësi Challandes dhe stafi i tij u përqendruan në ushtrimin e disa skemave të lojës, si dhe në tranzicion të lojës nga mbrojtja në sulm.
![](https://telegrafi.com/wp-content/uploads/2021/10/7tetor-kombetarja2.jpg)
Ekipit në këtë stërvitje iu bashkua edhe mesfushori i Ipswich Town, Bersant Celina.
Stërvitja ka shkuar mirë dhe të gjithë futbollistët e Kosovës janë në gjendje të mirë dhe nuk ankohen për ndonjë lëndim.
![](https://telegrafi.com/wp-content/uploads/2021/10/7tetor-kombetarja7.jpg)
Vlen të theksohet se në mëngjesin e të premtes (nesër), Përfaqësuesja e Kosovës do të udhëtojë drejt kryeqytetit suedez Stockholm.