Arkeologët kinezë njoftuan se kanë zbuluar një kafkë pothuajse të plotë njerëzore rreth 1 milion vjet të vjetër, në një vend gërmimi në provincën Hubei të Kinës.

Kafka, e gërmuar nga një ekip arkeologësh nga Instituti Provincial Hubei i Relikteve Kulturore dhe Arkeologjisë, ka njoftuar se është kafka më e plotë e njeriut që është zbuluar nga ajo periudhë në Euroazi, shkruan South China Morning Post, përcjell KlanKosova.tv.

Sipas arkeologëve, ky zbulim i fundit, është kafka e tretë njerëzore e gjetur në të njëjtin vend në Yun County. Kjo do të ndihmojë në hedhjen e dritës mbi evolucionin njerëzor në Azinë Lindore duke ofruar informacion të saktë mbi kafkën dhe fytyrën e njeriut nga ajo periudhë në histori.

“Kafka e tretë është e ngjashme me dy të parat për sa i përket mjedisit të varrimit, mbetjeve faunale dhe karakteristikave teknike të produkteve prej guri, kështu që të tre kafkat duhet t’i përkasin së njëjtës moshë,” tha Lu Chengqiu, kreu i ekipit të gërmimeve dhe studiues i Institutit Provincial Hubei i Relikteve Kulturore dhe Arkeologjisë.