Deputeti i PDK’së, Rashit Qalaj thotë se ka informacione që numri i aplikantëve serbë për konkursin në Policinë e Kosovës është i vogël.

Qalaj tha se aryseja e këtij numri aq të vogël është trysnia serbe që po bëhet në atë pjesë ndaj qytetarëve.

“Shumë pak është numri që është duke iu përgjigjur kërkesës, për shkak të trysnisë serbe që bëhen në këtë pjesë. Vuciq është duke manipuluar direkt me qytetarët atje”, tha Qalaj.

Tutje, Qalaj tha se nuk pret që do të ketë aplikantë të komunitetit serbë që do të konkurrojnë në Policinë e Kosovës.