Shërbimi i Jashtëm i Bashkimit Evropian ka vendosur që ta shtyjë edhe për një muaj afatin brenda së cilit pranojnë aplikimet për pozitën e Kryeprokurorit të Prokurorisë së Specializuar në Hagë.

Konkursi i cili ishte i hapur deri në orën 17.00 të ditës së sotme, është shtyrë deri më 23 shkurt, po në orën 17.00, raporton klankosova.

Këtë e ka konfirmuar EULEX-i, si autoritet emërues i Kryeprokurorit të ZPS, ku nuk bëhen të ditura arsyet e vazhdimit të afatit.

Aktualisht kryeprokuror në ZPS si ushtrues detyre është Alex Whiting, i cili e pason Jack Smith që më 18 nëntor të 2022-ës dha dorëheqje pasi u caktua anëtar i ekipit hetues për ish presidentin e SHBA-së Donald Trump.