Këtë fundjavë do të zhvillohen xhirot e fundit të kampionateve ekipore në Superligë, Ligën e parë, Ligën e dytë dhe Ligën U17. Fillimisht të shtunën me datën 22.10.22 në SHFMU “Tefik Çanga” në Ferizaj do të zhvillohen ndeshjet e ligës U17 për meshkuj dhe femra ku pas përfundimit të xhirove të rregullta do të zhvillohen ndeshjet e play off-it për ta përcaktuar kampionin.

Të dielën me datën 23.10.22 në Pallatin e Rinisë dhe Sportit në Prishtinë do të zhvillohen xhirot e fundit në Superligë dhe po të njejtën ditë në shkollën “8 marsi” në Pejë do të zhvillohen poashtu xhirot e fundit të Ligës së parë dhe Ligës së dytë. Në Superligë kampionët do të shpallen vetëm pasi të përfundojnë ndeshjet e xhiros së fundit ku në kategorinë e meshkujve dy vendet e para janë me pikë të barabarta (“Lidhja e Prizrenit” dhe “Priping”) ndërsa në kategorinë e femrave do të jetë edhe më interesante pasi do të përballen direkt dy rivalët kryesor “Drita” dhe “Ahmet Hoxha F”, edhe pse në ndeshjen e parë “Drita” ka shënuar fitore, gjithqka do të jetë e hapur deri në poenin e fundit. Në Ligën e parë poashtu do të ndeshen direkt dy vendet e para për këtë edicion, “Vushtrria” dhe “KVPP Prizreni” ndeshje kjo e cila do ta përcaktoj kampionin për këtë vit. Në Ligën e dytë pas përfundimit të xhirove të rregullta do të zhvillohen ndeshjet e play off-it për ta përcaktuar kampionin. /Kosova.info/

Orari i të gjitha ndeshjeve të kësaj fundjave: