Një video e një kamere sigurie që tregon një sulm nga një automjet i blinduar rus në një makinë civile në Ukrainë u publikua në kanalin zyrtar të Operative të Kievit.

Videoja e regjistruar në ditën e fundit të shkurtit tregon momentin e një takimi të ngushtë mes një automjeti ushtarak dhe një veture private. Në fillim të videos mjeti ndalon kur kupton se drejt tij po vjen një mjet i blinduar. Së shpejti, një automjet ushtarak, për të cilin ukrainasit pretendojnë se është rus, hapi zjarr ndaj makinës, e cila më pas u shkatërrua plotësisht.

Pas kësaj, makina e blinduar bashkohet me kolonën e mjeteve ushtarake.