Tottenham Hotspur ka zyrtarizuar transferimin e mesfushorit italian Sandro Tonali nga Newcastle United në një marrëveshje të madhe me vlerë rreth 100 milionë funte.

Tonali është një nga përforcimet kryesore të Tottenham këtë verë dhe pritet të ketë rol të rëndësishëm në mesfushë.

Në intervistën e tij të parë si lojtar i Tottenham, Tonali është shprehur i emocionuar për këtë hap të ri në karrierë.

“Jam shumë i lumtur që jam këtu. Kur arrita sot në klub, ndjenja ishte fantastike”, ka thënë ai. 

Ai ka shtuar se, pavarësisht zërave për disa klube të interesuara, vendimi i tij ishte i qartë.

“Thuhej se ishin katër apo pesë klube, por në të vërtetë ishte vetëm një”, është shprehur ai. 

Mesfushori italian ka treguar se një bisedë e gjatë me trajnerin e klubit ishte vendimtare për transferimin e tij. 

“Fola me trajnerin për gati dy orë për klubin, tifozët, stadiumin dhe mënyrën tonë të lojës. Ishte si magji, sepse menjëherë e kuptova se duhet të nënshkruaja për Tottenhamin”, ka thënë ai. 

Tonali ka kujtuar përvojat e tij të mëparshme duke luajtur kundër Tottenhamit, duke theksuar atmosferën në stadium. 

“Kam luajtur disa herë kundër Tottenham dhe gjithmonë kam parë një atmosferë të jashtëzakonshme nga tifozët. Nuk mezi pres të filloj sezonin”, është shprehur ai.