Zëvendëskryeministrja dhe ministrja e Drejtësisë, Donika Gërvalla, ka ritheksuar se forcimi i sundimit të ligjit mbetet themeli i zhvillimit demokratik të Republika e Kosovës.

Në këtë kuadër, ajo priti në takim Ushtruesen e Detyrës së Shefes së Zyrës së Bashkimit Evropian në Kosovë, Eva Palatova, me të cilën diskutoi për përparimin në finalizimin e pakos së projektligjeve që burojnë nga Deklarata e Përbashkët e Zotimit.

Sipas Gërvallës, ky proces është në përputhje me rekomandimet e Komisioni i Venedikut dhe përbën një hap kyç në avancimin e reformave në sistemin e drejtësisë, në kuadër të Planit të Rritjes.

Gjatë takimit u trajtuan edhe çështje të tjera që lidhen me Agjendën e Reformave, prioritetet institucionale dhe Agjendën Legjislative në fushën e drejtësisë.

Ajo theksoi se Bashkimi Evropian mbetet një partner i rëndësishëm për Kosovën dhe se bashkëpunimi i ndërsjellë do të vazhdojë për të thelluar reformat dhe për të forcuar institucionet e drejtësisë në vend. /Kosova.info/