Kapiteni i kombëtares së Kosovës, Vedat Muriqi, ka reaguar me tone shumë të forta pas akuzave që një tifoz kosovar i bëri atij përmes rrjeteve sociale. Tifozi e quajti Muriqin “gjysmë‑turk” dhe pretendoi se ai kishte dhënë informacione taktike për kombëtaren e Turqisë para ndeshjes vendimtare në “Fadil Vokrri”, ku Kosova u mposht 1:0 dhe humbi mundësinë për të shkuar në Kampionatin Botëror 2026.

Në reagimin e tij të dhënë në rrjetet sociale, Muriqi i quajti këto akuza “çmenduri” dhe kritikë të papërgjegjshme. Ai theksoi se fakti që flet turqisht sepse është nga Prizreni nuk e bën atë më pak kosovar dhe se ka dhënë gjithçka për kombëtaren e Kosovës. Muriqi e cilësoi komentuesin si njeri “pa ndjenja” dhe i tha atij se kurrë nuk do t’ia falë atë që ai shkroi duke u lutur që zoti ta ndëshkojë.

Reagimi i tij pasqyron edhe zemërimin dhe zhgënjimin e tij pas humbjes dramatike kundër Turqisë, një ndeshje që përfundoi ëndrrën e Kosovës për herë të parë të kualifikohet në Botëror. /Kosova.info/