Sulmuesi i Manchester Cityt, Erling Haaland, ka dërguar një mesazh të qartë për Arsenal pas fitores së rëndësishme ndaj Liverpool në “Anfield”, duke theksuar se gara për titullin në Premier League mbetet e hapur.

Manchester City ka arritur një fitore të rrallë në fushën e Liverpool, vetëm herën e dytë nën drejtimin e Pep Guardiola, duke mbajtur hapin me Arsenal në krye të tabelës. Kjo fitore i ka dhënë City tri pikë shumë të rëndësishme në garën për titull.

Pas ndeshjes, Haaland është shprehur i emocionuar për suksesin në “Anfield”, një stadium ku nuk kishte fituar më parë. Ai ka vlerësuar edhe tifozët e City për mbështetjen e vazhdueshme dhe ka theksuar vështirësinë historike të përballjeve me Liverpool.

“Janë tri pikë si çdo ndeshje tjetër, por të gjithë e dimë se gara për titull nuk ka përfunduar derisa të përfundojë”, është shprehur Haaland, duke dërguar sinjal të qartë për rivalët nga Londra.