Shuplaka që ia dha referit disa muaj më parë i kushtoi goxha shtrenjtë një 51-vjeçari nga Kosova.

Incidenti ndodhi gjatë një ndeshje të kategorisë C të juniorëve, në mes të Schoftland dhe Fc Villmergen. Ndeshja u fitua 4:2, në fund të takimit nga Schoftland me anë të dy golave të shpejt, e kjo shkaktoi zemërim të madh tek burri nga Kosova, biri i të cilit luante për skuadrën humbëse.

Debati me gjyqtarin e takimit, eskaloi me goditje ku 35-vjeçari pësoi një prerje në mjekër, shkruajnë mediat zvicerane.

E krejt kjo nuk kaloi pa u sanksionuar.

51-vjeçari nga Kosova mori një gjobë me kusht prej 100 ditësh me nga 70 franga, e po ashtu edhe një gjobë tjetër prej 1 mijë e 400 frangash.

Kjo nuk është e tëra, pasi që ai duhet të paguajë edhe tarifën për urdhrin penal prej 1 mijë frangash.

Federata e Futbollit të Aargaut, ia ndaloi atij edhe hyrjen në stadiumet zvicerane në periudhë trevjeçare.

Pa pasoja nuk kaloi as ekipi i djalit të të pandehurit, FC Villmergen. Skuadra u dënua nga federata me një gjobë disiplinore prej 3 mijë e 500 frangash.

E këtë shumë parash, klubi mund t’ia kërkojë burrit nga Kosova që ta paguajë, pasi që ky e kishte goditur gjyqtarin.