Mbrojtësi kosovar Lumbardh Dellova ka shënuar një nga golat më spektakolarë të sezonit në kampionatin bullgar.

Në ndeshjen ndaj Septemvri Sofia, futbollisti kosovar i CSKA Sofias realizoi një supergol nga gjysma e fushës, duke lënë të habitur bashkëlojtarët, kundërshtarët dhe tifozët në stadium.

Edhe pse distanca ishte shumë e madhe, goditja e fuqishme dhe e saktë e Dellovës përfundoi drejt e në rrjetë, duke u cilësuar si një nga realizimet më të bukura të vitit.

Ky gol jo vetëm që po shpërndahet me shpejtësi në rrjetet sociale, por pritet të hyjë edhe në listën e kandidatëve për gol të sezonit në kampionatin bullgar.

Lumbardh Dellova might’ve just scored the goal of the season for CSKA Sofia! 🤩🇽🇰 pic.twitter.com/rqHEJPmhC4

— Kosovo Football 🇽🇰 (@FootballKosovo) September 13, 2025