Organizata Botërore e Shëndetësisë (OBSH) i ka bërë sërish thirrje Kinës që t’i ndajë të dhënat që ka për të kuptuar më shumë për koronavirusin, pasi kanë kaluar pesë vjet prej shpërthimit të pandemisë në gjithë planetin.

Sëmundja që e shkakton koronavirusin, COVID-19, ka shkatërruar ekonomi dhe sisteme shëndetësore në shumë vende të botës.

“Ne vazhdojmë t’i bëjmë thirrje Kinës që të na japë qasje, që të kuptojmë më shumë për origjinën e COVID-19. Është nevojë morale dhe shkencore”, ka thënë OBSH-ja përmes një deklarate.

“Pa transparencë, këmbim të dhënash, dhe bashkëpunim mes shtetesh, bota nuk mund të parandalojë dhe të përgatitet në mënyrë adekuate për epidemitë dhe pandemitë e së ardhmes”.

Autoritetet në Shtetet e Bashkuara e kanë përmendur disa herë që nuk e përjashtojnë mundësinë e daljes së virusit nga ndonjë laborator në Kinë, ndonëse autoritetet kineze insistojnë që virusi është përhapur në një treg kafshësh.

OBSH-ja ka rikujtuar se si më 31 dhjetor të vitit 2019, zyra e saj në Kinë e ka pranuar një deklaratë të lëshuar nga autoritetet shëndetësore në Vuhan, me shqetësimet për raste të “pneumonisë virale” në qytet.

“Në javët, muajt dhe vjetët që kanë pasuar, COVID-19 i ka formësuar jetët dhe botën tonë”, ka thënë kjo agjenci e OKB-së për shëndetësi.

Agjencia ka bërë thirrje për kujtim të atyre që e kanë humbur jetën nga virusi, apo që përballen me pasojat e infektimit me të.

Organizata Botërore e Shëndetësisë e pati shpallur koronavirusin si pandemi më 11 mars të vitit 2020.

Më shumë se 7 milionë njerëz kanë vdekur që prej shpërthimit të pandemisë në gjithë botën.

Shtetet e Bashkuara kanë regjistruar numrin më të madh të viktimave, të përcjella nga India dhe Brazili.

Ai, së bashku me dy persona tjerë, me inicialet, Y.D dhe I.Z., akuzohen për keqpërdorim të detyrës apo autoritetit zyrtar, zbulim të fshehtësisë zyrtare, dhe ndihmë në keqpërdorim të detyrës apo autoritetit zyrtar.

Sipas komunikatës së Prokurorisë, ata dyshohen që me veprimet e tyre i kanë shkaktuar dëm buxhetit të Kosovës në vlerë të 37 milionë eurove.

Prokuroria pati ngritur aktakuzën e parë kundër Krasniqit në gusht të këtij viti.

Atëherë, ai është akuzuar për keqpërdorim të detyrës zyrtare për periudhë më pak se dyvjeçare.

Krasniqi ishte arrestuar në prill të vitit 2023 dhe ishte mbajtur në paraburgim nën dyshimet për keqpërdorim të pozitës, ushtrim të ndikimit dhe konflikt interesi.

Ai ishte liruar në shtator 2023.

KEK-u e pezulloi nga detyra Krasniqin vitin e kaluar, ndërsa në fillim të këtij viti e shkarkoi atë nga detyra përfundimisht dhe hapi konkurs për kryeshef të ri ekzekutiv.

Korporata Energjetike e Kosovës është një ndër ndërmarrjet kryesore energjetike në vend.

Asetet e korporatës janë nën pronësi të plotë të Qeverisë së Kosovës.