Sipas raportit të fundit të kompanisë amerikane Gallup mbi sigurinë globale, Kosova renditet në top 24 shtetet më të sigurta në botë.

Në këtë top 24-she, Kosova renditet e 12-ta duke lënë pas Luksemburgun e Zvicrën.

Ky besim është i rëndësishëm për të garantuar që qytetarët të ndihen të sigurt kur ecin vetëm gjatë natës.

Rreth 87% e kosovarëve u përgjigjën pozitivisht për ndjenjën e sigurisë, duke e renditur vendin në mesin e 24 vendeve më të sigurta globalisht.

Ky vlerësimi sipas raportit të Gallup, i përket vitit 2023.

Në listën e shteteve më të sigurta janë edhe Kuvajti, Singapori, Norvegjia, Arabia Saudite, Taxhikistani, Sllovenia, Emiratet e Bashkuara Arabe, Salvadori, Mali i Zi, Islanda.

Përmirësimi i perceptimeve të sigurisë në Kosovë vjen si rezultat i përpjekjeve të institucioneve për të ndërtuar besimin e qytetarëve dhe për të forcuar sigurinë publike, duke reflektuar ndikimin e masave të përmirësuara në rendin publik.