Semi Jaupaj bën një tjetër ndryshim drastik në dukje
Këngëtarja e njohur, Semi Jaupaj, një nga personazhet më të spikatur të ekranit që guxon të ndryshojë pamjen e saj, ka bërë një tjetër ndryshim së fundmi.
Vetëm një ditë më parë, ajo ndau me ndjekësit e saj në Instagram disa fotografi të reja ku tregonte ndryshimin dramatik që ka bërë me flokët.
Ish-banorja e edicionit të parë të Big Brother VIP Albania, nuk është më me flokë të shkurtër dhe as me ngjyrën ‘ginger’.
![](https://kosova.info/wp-content/uploads/2024/06/inbound179865780577740859-302x360.jpg)
Semi ka vendosur që kësaj radhe të zgjasë flokët dhe t’u japë një nuancë krejtësisht të re nga ajo që kishte më parë.
Fansat duket se e kanë pritur mjaft mirë këtë ndryshim të Semit, pasi kanë mbushur postimin e saj me komplimente.
“Epokë e re”, ka shkruar këngëtarja krahas këtyre fotografive që morën tërë vëmendjen e ndjekësve.
![](https://kosova.info/wp-content/uploads/2024/06/inbound8861443260875411216-256x360.jpg)