Barcelona raportohet se është e interesuar për anësorin e Manchester United, Jadon Sancho.

Sancho është në shitje nga United pasi e kaloi pjesën e dytë të sezonit të kaluar si huazim me finalistët e Champions League, Borussia Dortmund.

Një rikthim në Dortmund është i mundur, por sipas medieve spanjolle, Barça është hedhur në sulm për anësorin anglez.

“Sancho po diskutohet në ‘Nou Camp’ si zëvendësues i mundshëm i Raphinhas.

Katalanasit do të ishin të prirur për të arritur një marrëveshje huazimi me një detyrim blerje në fund të sezonit”, shkruajnë mediet iberike.

Ndryshe, Barcelona është duke e monitoruar edhe Luis Diaz (Liverpool) dhe Nico Williams (Athletic Bilbao).