Rodri mungon ndaj Shqipërisë, bëhet lojtari i parë që thyen rregullin e ri në Euro 2024
Mesfushori i Spanjës, Rodri është bërë lojtari i parë që përjashtohet nga ndeshja e ardhshme, pasi ka thyer një rregull të ri të futur në Euro 2024.
Ylli i Manchester Cityt u paralajmërua në fitoren 3-0 të Spanjës ndaj Kroacisë për dhënien e një penalltie pasi rrëzoi Bruno Petkoviçin kur dukej i gatshëm të shënonte.
Shumë menduan sikur Rodri duhej të ishte përjashtuar direkt nga loja, pasi një rregullore u ndryshua kohët e fundit kur bëhet fjalë për një lojtar që mohon një mundësi të dukshme për të shënuar.
![Imazhi: Getty](https://images.ladbible.com/resize?type=webp&quality=70&width=3840&fit=contain&gravity=auto&url=https://images.ladbiblegroup.com/v3/assets/blta90d05ad41a54a71/blt6ae11a3d7261d2a9/66748adb3425564b51b9c39c/GettyImages-2158480450.jpg)
Rodri është sërish në mesfushën e Spanjës për ndeshjen kundër Italisë, por sërish u ndëshkua me karton të verdhë në fund të pjesës së parë.
Arsyeja e ndëshkimit të tij ishte për shkak se ai u ankua te arbitri.
Një rregullore e re e sjellë nga UEFA do të thotë se vetëm kapitenët lejohen të komunikojnë me gjyqtarin.
Kapiteni i Spanjës është Alvaro Morata, ndërsa zv/kapiten është emëruar Dani Carvajal i Real Madridit.
Në rast se portieri është kapiten i një ekipi kombëtar, një lojtar jashtë fushës mund të emërohet për të qenë në dialog të rregullt me gjyqtarin.
Si rezultat, Rodri tani do të pezullohet për ndeshjen e fundit të Spanjës në Grupin B kundër Shqipërisë pasi mori kartona të verdhë të njëpasnjëshëm.
Spanja është duke fituar 1-0 ndaj Italisë falë auto-golin nga Riccardo Calafiori që futi topin në rrjetën e tij në minutën e 55-të.