Presidentja e Kosovës, Vjosa Osmani, ka uruar kryeministri i Holandës, Mark Rutte, i cili sot u konfirmua zyrtarisht si Sekretar i Përgjithshëm i NATO-së.

Osmani në një postim në platformën X, vlerësoi lartë përvojën, lidershipin dhe njohuritë e tij, që sipas saj, do të jenë të paçmueshme për Aleancën.

“Urime mikut tonë të dashur Mark Rutte që u zgjodh si sekretar i përgjithshëm. Përvoja, lidershipi dhe njohuritë e tij do të jenë të paçmueshme për Aleancën!

Gjatë viteve, ne kemi punuar së bashku për shumë çështje të rëndësishme dhe nuk kam dyshim se bashkëpunimi ynë i fortë do të vazhdojë derisa ai të marrë këtë përgjegjësi të re. Mezi pres të punojmë së bashku për të avancuar anëtarësimin e Kosovës në NATO dhe të punojmë drejt paqes dhe sigurisë së qëndrueshme në të gjithë kontinentin tonë dhe më gjerë”, ka shkruar presidentja Osmani në X.

Sot, Këshilli i Atlantikut të Veriut vendosi të emërojë kryeministrin holandez në këtë pozitë, i cili do ta pasojë Jens Stoltenbergun, që qëndroi në krye të Aleancës për 10 vjet. Mark Rutte pritet ta merr detyrën më 1 tetor 2024. /Kosova.info/

Congratulations to our dear friend Mark Rutte on being elected as the new @NATO Secretary General. His experience, leadership, and knowledge will be invaluable to the Alliance!

Over the years, we have worked together on many important issues, and I have no doubt that our strong… pic.twitter.com/nd2bqxh0md

— Vjosa Osmani (@VjosaOsmaniPRKS) June 26, 2024