Polonia do të jetë pa sulmuesin Robert Lewandowski në ndeshjen kundër Holandës në Euro 2024. Kjo për shkak të një lëndimi gjatë një ndeshjeje miqësore kundër Turqisë, e cila përfundoi me fitoren e Polonisë me rezultat 2-1.

Federata e Futbollit e Polonisë duke e konfirmuar mungesën e sulmuesit kryesor për ndeshjen e parë të kampionatit, ka theksuar se stafi mjekësor po bën gjithçka të mundur për ta rikuperuar atë në kohë për ndeshjen e dytë kundër Austrisë.

Polonia, pjesëmarrëse në Grupin D të Euro 2024, do të nisë fushatën e saj kundër Holandës më 16 qershor. Pas kësaj, skuadra polake do të përballet me Austrinë më 21 qershor dhe me Francën më 25 qershor.