Kryeministri i Kosovës, Albin Kurti ka takuar Daniel Serwerin, profesor në Universitetin Johns Hopkins, njohës i çështjes së Kosovës dhe më gjerë.

Kurti, përmes platformës ‘X’, tha se është mirënjohës për analizat dhe këshillat e tij të mençura për çështjet më të rëndësishme të Kosovës.

“Kënaqësi të rilidhesha me profesorin Daniel Serwer, një diplomat i madh dhe një mik edhe më i madh i Kosovës. Ky ishte vetëm i fundit nga takimet e shumta që kemi pasur gjatë më shumë se dy dekadave, por ishte hera e parë që pata privilegjin ta mirëpres në Zyrën e Kryeministrit. Si gjithmonë, jam mirënjohës për analizën e tij therëse dhe këshillat e tij të mençura për çështjet më të rëndësishme me të cilat përballet Republika jonë dhe qytetarët e saj, dhe rajoni në tërësi”, ka shkruar Kurti. /Kosova.info/

A pleasure to reconnect with Professor @DanielSerwer, a great diplomat and an even greater friend of Kosova. This was only the latest of numerous meetings we've had over the course of more than two decades, but it was the first time I had the privilege of welcoming him to the… pic.twitter.com/x9VuS94FuE

— Albin Kurti (@albinkurti) June 27, 2024