A ka dosje që e dënon apo shantazhon penalisht Lulzim Bashën në SHBA pas deklarimeve të Nick Muzin dhe nëse kjo dosje është përdorur në Tiranë nga ambasada e SHBA, për të përjashtuar Sali Berishën? 

E ftuar në studion e emisionit ‘Çim Peka Live’ përballë gazetarit Çim Peka, aktivistja shqiptare e Partisë Republikane në SHBA, Evi Kokalari u shpreh se në këmbim të përjashtimit të Sali Berishës nga grupi parlamentar, kryetarit të PD, Lulzim Basha i është premtuar mbyllja e dosjes së lobimit dhe dhënia e vizës amerikane. 

Çim Pekja: A është shtantazhuar Basha me këtë dosje për të përjashtuar Berishën? 

Evi Kokalari: Kam idenë që atij i është premtuar diçka, mbyllja e dosjes dhe dhënia e vizës. I qëndroj kësaj, sepse nuk shoh asnjë arsye tjetër për ta larguar nga grupi parlamentar. Ato që thotë se ne jemi antiamerikanë, janë justifikime të kota. Ajo dosje që ka Basha u shfrytëzua që t’ja bëjë gropën Berishës. Nëse Basha shkon në Amerikë, u do të shkoj në Amerikë që të loboj për hetime ndaj tij. Bashës i paska djegur shumë, pse paskam treguar për këtë gjë. Sorosi do që të ikë Berisha, sepse e ka kundërshtar. Basha nuk është burrë shteti, Berisha është burrë shteti.