Një tjetër luftë në MMA ndërgjinore në Rusi është bërë virale pas meçit të diskutueshëm që u zhvillua të premten mbrëma në Poloni.

Ula Siekacz u mund keq nga Piotr ‘Mua Boy’ Lisowski, i cili siguroi një fitore të raundit të parë me nokaut në një nga dy përleshjet ndërgjinore në eventin MMA-VIP3

Inskenimi i ndeshjeve shkaktoi një bujë në mesin e komunitetit MMA, me shumicën që u përplasën me vendimin për të vendosur meshkuj dhe femra kundër njëri-tjetrit brenda kafazit.

Por, ka ndodhur edhe më parë. Vitin e kaluar, luftëtarja profesioniste e MMA-së, Darina Madzyuk, e cila peshon 63 kilogramë, u përball me YouTuberin, Grigory Chistyakov, që peshonte afro 240 kilogramë.

Dhe, mirë, le të themi se nuk përfundoi shumë mirë për djalin.

Ndërsa ai fillimisht u përpoq t’i duronte goditje e kundërshtares të tij shumë më të vogël, madhësia e tij e madhe dhe avantazhi në peshë nuk e ndihmuan.

Madzyuk, e cila konkurron në peshën e lehtë, mori shpejt kontrollin e luftës me goditjen e saj superiore.

Në një moment të duelit, Chistyakov dukej sikur kishte nën kontroll duelin ndaj Madzyuk në kafaz shkaku i peshës së tij trupore.

Por, pasi gjyqtari më në fund i ndau të dy dhe nuk kaloi shumë kohë dhe aftësitë marciale të përziera e nxorën atë nga telashet dhe ajo filloi të godiste në kokë.

Një goditje me të djathtën e rrëzoi Chistyakov dhe meçi u ndërpre përfundimisht nga arbitri.

Ndërsa tifozët nuk janë ende të sigurt se për çfarë promovimi po luftonin dyshja, kjo nuk i ka penguar fansat dhe ekspertët e MMA të ndërhyjnë.

Pamjet e ndeshjes së çuditshme vërshuan mediat sociale dhe njerëzit nuk dinin se si ta vlerësonin spektaklin.

Disa lavdëruan dyshen, ndërsa të tjerë – duke përfshirë gjyqtarin e UFC-së, Marc Goddard – e cilësuan ngjarjen si të tmerrshme.

“Kjo është ajo me të cilën kemi të bëjmë në vitin 2020”, deklaroi Goddard.

“Kjo është ajo kundër së cilës ne po luftojmë pasi paralelet dhe konotacionet negative janë tërhequr vazhdimisht”.

“Për të huajt dhe kritikuesit, kjo është MMA. E turpshme. E pështirë. E tmerrshme”, vazhdoi ai.

Sido që të jetë, diferenca e madhe e madhësisë solli një spektakël interesant.